मुखपृष्ठम् · ⬆ अलङ्कारः

मीलितम्

लक्षणम्

समेन लक्ष्मणा वस्तु वस्तुना यन्निगूह्यते ।
निजेनागन्तुना वापि तन्मीलितमिति स्मृतम् ॥ (का०प्र० १०)
मीलितं वस्तुनो गुप्तिः केनचित्तुल्यलक्ष्मणा । (सा०द० १०)
मीलितं यदि सादृश्याद्भेद एव न लक्ष्यते । (कु०)

तुल्यचिह्नेन (समानवर्णादिना) अन्येन वस्तुना एकं वस्तु निगूह्यते – भेदः एव न लक्ष्यते ।

उदाहरणानि

रसो नालक्षि लाक्षायाश्चरणे सहजारुणे । (कु०)
स्वभावतः अरुणे चरणे लाक्षारसः न दृष्टः – तस्मिन् लीनः ।