मुखपृष्ठम् · ⬆ अलङ्कारः

छेकानुप्रासः

लक्षणम्

सोऽनेकस्य सकृत्पूर्वः । (का०प्र० ९)
छेको व्यञ्जनसङ्घस्य सकृत्साम्यमनेकधा । (सा०द० १०)

अनेकेषां व्यञ्जनानां तेनैव क्रमेण सकृत् (एकवारम्) आवृत्तिः । छेकाः विदग्धाः, तेषां प्रियः इति छेकानुप्रासः ।

उदाहरणानि

चिन्तयामि हरिमेव सन्ततं मन्दमन्दहसिताननाम्बुजम् ।
मन्द-मन्द – न्द इति व्यञ्जनसङ्घस्य सकृदावृत्तिः ।

ततोऽरुणपरिस्पन्दमन्दीकृतवपुः शशी ।
दध्रे कामपरिक्षामकामिनीगण्डपाण्डुताम् ॥ (का०प्र० ९)
स्पन्द-मन्दी, क्षाम-काम इत्यत्र सकृदावृत्तिः ।