मुखपृष्ठम् · ⬆ अलङ्कारः

उल्लेखः

लक्षणम्

क्वचिद्भेदाद्ग्रहीतॄणां विषयाणां तथा क्वचित् ।
एकस्यानेकधोल्लेखो यः स उल्लेख उच्यते ॥ (सा०द० १०)
बहुभिर्बहुधोल्लेखादेकस्योल्लेख इष्यते । (कु०)

एकम् एव वस्तु ग्रहीतृभेदात् (द्रष्टृभेदात्) विषयभेदात् वा अनेकप्रकारेण वर्ण्यते । मम्मटः पृथक् न गणयति ।

उदाहरणानि

स्त्रीभिः कामोऽर्थिभिः स्वर्द्रुः कालः शत्रुभिरैक्षि सः । (कु०)
स एव राजा स्त्रीभिः कामदेवः, याचकैः कल्पवृक्षः, शत्रुभिः यमः इति दृष्टः ।