मुखपृष्ठम् · ⬆ अलङ्कारः

असङ्गतिः

लक्षणम्

भिन्नदेशतयात्यन्तं कार्यकारणभूतयोः ।
युगपद्धर्मयोर्यत्र ख्यातिः सा स्यादसङ्गतिः ॥ (का०प्र० १०)
कार्यकारणयोर्भिन्नदेशतायामसङ्गतिः । (सा०द० १०)
विरुद्धं भिन्नदेशत्वं कार्यहेत्वोरसङ्गतिः । (कु०)

कारणम् एकत्र, कार्यम् अन्यत्र वर्ण्यते ।

उदाहरणानि

विषं जलधरैः पीतं मूर्च्छिताः पथिकाङ्गनाः । (कु०)
विषं (जलम्) मेघैः पीतम्, मूर्च्छा तु प्रोषितपतिकानाम् – वर्षाकाले विरहः ।